Облыстық газеттердің редакторлары ауысты

Шигаев Виктор Михайлович «Прикаспийская коммуна» газетінің бас редакторы қызметінен зейнеткерлікке шығуына байланысты босатылды. Оның орнына бұрын «Комсомольская правда – Казахстан» газетінің бас редакторының орынбасары боп жұмыс істеген, 1976 жылы туылған ҚҰЛМАҒАМБЕТОВ Ринат Михайлович тағайындалды.

Қабылов Нұрлан Достанұлы «Атырау» газетінің бас редакторы лауазымынан босатылды. Енді ол «Алтын Орда» газетінің редакциясын басқармақ. Оның орнына бұрын «Алтын Орда» газетінің бас редакторы боп жұмыс істеген, 1961 жылы туылған БАЛМАҒАМБЕТОВ Исатай Құндызбайұлы тағайындалды.