В Атырау
-2 
ҚР Ұлттық ғарыш агенттігі төрағасының орынбасары Е.Шаймағамбетов бастаған делегация жұмыс сапарымен Ресей Федерациясына барды.
Атап айтқанда 12-13 ақпанда Мәскеуде «Протон-М» зымыран-тасығышын «Байқоңырдан» ұшыру саны бойынша және Қазақстанның қоршаған ортасына тигiзетiн экологиялық залалдарын анағұрлым азайтуға қатысты мәселелердi шешу тұрғысында Қазақстан-Ресей жұмыс тобының үшiншi отырысы өтіп жатыр.
«Бұл жұмыс тобының биылғы жылғы бірінші отырысы екенін атап өткен жөн. Сонымен бірге, іс-шара аясында жоғарыда аталған мәселелермен қатар 2014-2016 жылдарға арналған «Байқоңыр» кешенін бірлесіп пайдалану бойынша Жол картасының басқа да аспектілерін қарастыру жоспарланып отыр», - делінген Қазғарыштың баспасөз қызметінің мәліметінде.
Аталған Жол картасына Қазақстан және Ресей үкіметтері 2013 жылғы желтоқсан айында қол қойған болатын.
Дереккөз: ҚазАқпарат
13 ақпан 2014, 15:52