В Атырау
+13 
Ақмола облысының екі бірдей ауылының тұрғындары шалдыққан ауруды арнайы құрылған комисия зерттеп, жақын күндері нәтижесін жария етпек. Бұл жайында "Новости-Казахстан" порталы облыстық денсаулық сақтау басқармасына сілтеме жасай отырып хабарлады.
Денсаулық сақтау басқармасының мәліметінше, 2013 жылдың наурыз айында Есіл ауданына қарасты Калачи мен Красногорский ауылдарында энцефалопатия, яғни мидың зақымдалуы деген диагнозбен отыз үш адам тіркелген. Ауыл тұрғындары дәрігерлерге бас ауруы, ұмытшақтық пен тым ұйқышылдық мазалайды деп шағымданған көрінеді.
«Қазір ауылда қарағандылық ғалымдар тұрғындарды түгелдей зерттеп жатыр. Семейден де мамандар шақыртылды. Әзірге қандай да бір тұжырым жасау ерте» дейді басқарма мамандары.
Ал мемлекеттік санитариялық эпидемиологиялық қадағалау комитетінің облыстық департаментіндегілер халықтың жаппай ауруға шалдықты дегенін жоққа шығарып отыр.
«Есіл ауданында індет жоқ. Бұған бірнеше рет алынған сынамалар дәлел бола алады»,- дейді мекеме қызметкерлері.
Естеріңізге сала кетейік, Ақмола облысындағы аталған елдімекендер маңында уран өңдеумен айналысқан. Кен таусылған соң, шахта жабылып, қауіпсіздік шаралары сақталмапты.
Дереккөз: Baq.kz