Жаңа жыл мерекесіне орай қосымша жолаушылар пойызы қатынайтын болады

Алда келе жатқан қысқы мейрамдарға байланысты және жолаушылардың сұраныстарын қанағаттандыру мақсатында қосымша жолаушылар пойыздары жолға шығады. Бұл туралы «Жолаушылар тасымалы» АҚ хабарлайды.

«Мереке күндері №373/374 «Алматы-2 - Жезқазган» пойызы жүреді. Ол Алматыдан 21 желтоқсанда, Жезқазғаннан 23 желтоқсанда аттанады. №634/633 «Қарағанды-Жезқазған» жолаушылар пойызы Қарағандыдан 29 желтоқсанда, Жезқазғаннан 30 желтоқсанда шығады»,-деп жазылған хабарламада.

Сонымен қатар, 23 «Тұлпар-Тальго» вагонынан тұратын №63 «Семей-Астана» жүрдек пойызының жүру кестесі өзгертілді. Енді ол Семейден 2014 жылдың 1 қаңтарында (31 желтоқсан орнына) аттанып, Астанаға 2 қаңтар күні келіп жетеді.

Дереккөз: bnews.kz