В Атырау +1.9 
Ақмола облысында Қорғастан Ресейге 15 жаңа автокөлік тасымалдап бара жатқан екі автотасымалдаушы жол-көлік оқиғасына ұшырады. Көктайғақтың салдарынан көптонналы жүк көліктері соқтығысып, жол жиегінен аударылған.
Полицияның мәліметінше, апат 13 қарашада Астана — Атбасар — Жақсы автожолында болған.
Алдын ала ақпарат бойынша, FAW маркалы автотасымалдаушылардың шетелдік жүргізушілері жаңа автокөліктердің ірі партиясын тасымалдаған. Жолдың тайғақ учаскесінде бірінші жүк көлігінің жүргізушісі рульге ие бола алмай, салдарынан екі автотасымалдаушы соқтығысқан.
Екі жүк көлігі де жол жиегінен шығып кеткен. Жол-көлік оқиғасы салдарынан ешкім зардап шеккен жоқ.
Автотасымалдаушының жүргізушісіне қатысты әкімшілік хаттама толтырылды.
Бүгін, 12:04