В Атырау +5.4 
2027 жылғы 11 қаңтардан бастап Қазақстанда әлеуметтік көмек көрсету тәсілдерін қайта қарауға бағытталған пилоттық жоба іске қосылады. Өзгерістер материалдық әл-ауқаты жоғары және ауқатты деңгейге жататын отбасыларға берілетін әлеуметтік төлемдердің 36 түрінің 12-сін алушыларға қатысты болады.
Еңбек және халықты әлеуметтік қорғау министрлігінің хабарлауынша, қолданыстағы әлеуметтік қолдау жүйесі көмек алушылардың нақты материалдық жағдайын әрдайым ескере бермейді. Соның салдарынан мемлекеттік көмекті мұқтаж азаматтармен қатар табысы жоғары отбасылар да алуы мүмкін. Жаңа тетік қазақстандықтардың қаржылық мүмкіндіктерін ескере отырып, бюджет қаражатын неғұрлым әділ бөлуді көздейді.
Еңбек министрлігі бұл өзгерістер мемлекеттің әлеуметтік міндеттемелерінен бас тартуды білдірмейтінін атап өтті. Жоба аясында төлемдер тағайындаудың қолданыстағы тетіктері, өзгерістердің ықтимал әлеуметтік салдары және азаматтардың мемлекеттік қолдауға қол жеткізу құқығын негізсіз шектеу тәуекелдері талданады. Ол үшін Президент Әкімшілігінің, Үкіметтің, Құрылтайдың өкілдері мен сарапшылар қауымдастығының қатысуымен арнайы жобалық кеңсе құрылады.
Жоба кезең-кезеңімен жүзеге асырылады. Оның қорытындысы бойынша халықты әлеуметтік қорғау жүйесін одан әрі реформалау жөнінде ұсыныстар әзірленеді.