В Атырау +3.7 
ҚР Ұлттық қауіпсіздік комитетінің (ҰҚК) Сыбайлас жемқорлыққа қарсы іс-қимыл қызметі елдегі екі ірі ұлттық компанияның басшылары — «Самұрық-Қазына» АҚ басқарма төрағасы Нұрлан Жақыпов пен «Қазақстан темір жолы» ҰК» АҚ басшысы Ерлан Орыншиевтің ұсталғанын хабарлады.
Ведомствоның ресми мәліметінше, ұстау шарасы 11 қарашада өткен. Қор мен ұлттық компанияның топ-менеджерлерінен бөлек, іс бойынша басқа да тұлғалар бар. Олардың барлығы сыбайлас жемқорлық қылмысын жасады деген күдікке ілінген.
Қазіргі уақытта құқық қорғау органдары істің барлық мән-жайын анықтау үшін қажетті тергеу әрекеттерін жүргізіп жатыр. ҰҚК тергеу барысы мен күдіктілерге тағылған айыптардың мән-жайын жария етпеді. Бұған ҚР Қылмыстық-процестік кодексінің 201-бабы (сотқа дейінгі тергеп-тексеру деректерін жария етуге жол бермеу) негіз болған.
Комитетте «Заң мен тәртіп» қағидаты аясында сыбайлас жемқорлыққа қарсы жұмыс жалғасып жатқанын атап өтті.
Нұрлан Жақыпов «Самұрық-Қазына» ұлттық әл-ауқат қорын 2023 жылдың сәуірінен бері басқарып келеді. Ал Елжас Орыншиев «Қазақстан темір жолы» ұлттық компаниясының басшысы қызметіне салыстырмалы түрде жақында, 2026 жылдың шілдесінде тағайындалған.