Қазақстанда өсімдік шикізатынан​ авиациялық отын шығару жоспарланып отыр

Қазақстанда өсімдік шикізатынан авиациялық отын өндіретін алғашқы зауыт салу жоспарлануда. Кәсіпорын Қостанай облысының Рудный қаласында бой көтереді, деп хабарлайды «ҚазМұнайГаз».

Авиациялық отын мұнайдан емес, бидайды өңдеу кезінде өндірілетін спирт — биоэтанолдан алынады. Арнайы технология оны көміртек ізі азырақ авиациялық керосинге айналдыруға мүмкіндік береді.

Жобаны «ҚазМұнайГаз», американдық KBR компаниясы және қазақстандық KazFoodProducts холдингі жүзеге асыруда. Зауыт жыл сайын мұндай отынның 57 мың тоннасына дейін шығара алады деп болжанып отыр.

Қазіргі уақытта жоба техникалық құжаттаманы дайындау кезеңінде тұр. Оны 2027 жылдың бірінші тоқсанында аяқтау жоспарланған, содан кейін жобалаудың келесі кезеңі басталады.

Құрылыстың басталуы мен өндірісті іске қосу мерзімдері әлі жарияланған жоқ.