В Атырау +2.9 
Президенттің Жоғарғы Сот судьясы қызметіне ұсынған кандидатурасын Палата отырысында ҚР Жоғары Сот Кеңесінің төрағасы Дмитрий Малахов таныстырды. Ол кандидаттың заң саласында 30 жылдан астам еңбек өтілі бар екенін және елдегі барлық сот сатыларының жұмысын егжей-тегжейлі білетінін атап өтті.
Асан Ескендіров туралы не белгілі:
Еңбек жолын аудандық сот судьясы қызметінен бастаған.
Ақмола және Павлодар облыстарының мамандандырылған ауданаралық экономикалық соттарын басқарған.
Облыстық соттың судьясы болып жұмыс істеген және Ақмола облыстық сотының азаматтық және әкімшілік істер жөніндегі апелляциялық сот алқасына жетекшілік еткен.
2016–2022 жылдары ҚР Жоғарғы Сотының судьясы қызметін атқарған.
Соңғы төрт жылда (институт жаңартылған форматта құрылған күннен бастап) ҚР Конституциялық Сотының судьясы болған.
«Асан Қайыроллаұлы судьялар қауымдастығы арасында лайықты беделге ие», — деп атап өтті Дмитрий Малахов депутаттар алдында кандидатқа сипаттама бере отырып.
Дауыс беру қорытындысы бойынша депутаттар Ескендіровтің кандидатурасын бірауыздан қолдап, оны Жоғарғы Сот судьясы етіп сайлады.