Атырауда жылусыз қалған мектеп оқушылары қашықтан оқуға көшті

38 рет қаралды

9 және 10 қарашада Атыраудағы Жұмекен Нәжімеденов атындағы №2 орта мектептің оқушылары қашықтан білім алды. Бұған газ жабдықтарының істен шығып, мектепте жылу беру жүйесінде ақау пайда болуы себеп болған.

«Ақ Жайық» тілшісі мән-жайды анықтау үшін қалалық білім бөліміне хабарласты.

– Жұмекен Нәжімеденов атындағы №2 орта мектептің газбен жабдықтау жүйесіндегі ГРПШ-400 газ реттеу пунктінің редукторы кенеттен істен шығуына байланысты оқушылар қашықтан оқыту форматына көшірілді. Қазіргі уақытта барлық ақау жойылып, жылыту жүйесі қайта іске қосылды, – деп хабарлады қалалық білім бөлімінің басшысы Айнагүл Дүйсекенова.

11 қарашадан бастап мектепте сабақ әдеттегі, яғни дәстүрлі форматта жалғасады.

Ләззат ҚАРАЖАНОВА

Бүгін, 09:36

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.