В Атырау +4 
Атырау облысында мемлекеттік орман қоры аумағында 2026 жылғы өрт қауіпі бар маусым ресми түрде аяқталды. Бұл шешім ауа райы жағдайларын ескере отырып қабылданды. Сонымен қатар орман және табиғатты қорғау қызметтері табиғи аумақтарды күзетуді жалғастырады, деп хабарлайды Атырау орман шаруашылығы және жануарлар дүниесі аумақтық инспекциясы.
10 қарашадан бастап Қазақстанның бірден 12 өңірінде — Ақмола, Атырау, Ақтөбе, Шығыс Қазақстан, Қарағанды, Қостанай, Солтүстік Қазақстан, Павлодар, Батыс Қазақстан және Маңғыстау облыстарында, сондай-ақ Абай мен Ұлытау облыстарында өрт қауіпі бар маусым аяқталды.
Қалған бес өңірде — Алматы, Жамбыл, Қызылорда, Түркістан облыстары мен Жетісу облысында өрт қауіпі бар маусымын аяқтау 20 қарашаға жоспарланған.
Маусым аяқталғаннан кейін орман шаруашылығы мамандары атқарылған жұмыстарға талдау жасап, өртке қарсы техника мен жабдықтардың жай-күйін тексереді, сондай-ақ 2027 жылғы өрт қауіпі бар кезеңге дайындықты бастайды.
Жекелеген өңірлерде орман алқаптарын күзету және табиғатты қорғау заңнамасының сақталуын бақылау мақсатында авиациялық патрульдеу жұмыстары жалғасады.
Орман шаруашылығында өрт қауіпті маусымының аяқталуы өртке қарсы іс-шаралардың тоқтатылатынын білдірмейтінін атап өтті. Ормандарды қорғау және сақтау тұрақты негізде жүзеге асырылады.