В Атырау +13.8 
Павлодарда волейбол турнирі кезінде жанжал шықты. Шымкенттен келген балалар командасының жаттықтырушысы Хамит Мырзабеков жарыс барысында кәмелетке толмаған спортшы қызды ұрып жіберген, деп хабарлайды Qumash арнасына сілтеме жасап.
Оқиға туралы ақпарат әлеуметтік желілерде тез тарап, қоғамда үлкен резонанс тудырды. Қазақстанның Ұлттық волейбол федерациясы жағдайға қатысты түсініктеме беріп, турнирді федерацияға тікелей қатысы жоқ жеке лига ұйымдастырғанын нақтылады.
Соған қарамастан, жаттықтырушы мен ұйымдастырушыларға қатысты тиісті шаралар қабылданды.
Кінәлілер қалай жазаланды?
Тексеру қорытындысы бойынша Волейбол федерациясы мынадай шешімдер қабылдады:
Хамит Мырзабеков дисквалификацияланып, екі жылға кез келген жарысқа қатысудан ресми түрде шеттетілді. Алайда оның спорт саласындағы қызметінен толық босатылғаны туралы әзірге ақпарат жоқ;
Турнир ұйымдастырушыларына алаңдағы тәртіпті тиісінше бақыламағаны үшін қатаң сөгіс жарияланып, ақшалай айыппұл салынды;
Жаттықтырушы атынан қатысқан Шымкент волейбол академиясына да ресми сөгіс берілді.
Жағдай спорт саласының жауапты тұлғаларының бақылауында. Құқық қорғау органдары мен Шымкент қаласының дене шынықтыру және спортты дамыту басқармасының бұл оқиғаға қатысты ұстанымы әзірге нақтыланып жатыр.