В Атырау +7.7 
Петропавл қаласында Ақмола облысының 37 жастағы тұрғыны электр велосипедін мас күйінде басқарғаны үшін 20 тәулікке әкімшілік қамаққа алынды.
Ер адамды түнгі уақытта Воровский көшесінде патрульдік полиция батальонының қызметкерлері тоқтатқан. Жүргізушінің күдікті әрекеті медициналық куәландыру кезінде расталды — сараптама оның алкогольдік масаң күйде болғанын анықтады.
Белгілі болғандай, азаматтың көлік құралдарын басқаруға құқығы болмаған. Құқық бұзушы дереу полиция бөліміне жеткізіліп, оған қатысты әкімшілік хаттама толтырылды.
Сот шешімімен көлік құралын басқару құқығы жоқ адамның мас күйінде көлік басқарғаны үшін ол 20 тәулікке әкімшілік қамаққа алынды.
«Полиция ескертеді: электр велосипедін мас күйінде басқарған адам ауыр жол-көлік оқиғасына себеп болуы мүмкін. Қараңғы уақытта жоғары жылдамдықпен жүру және қорғаныс құралдарының болмауы мұндай құқық бұзушылықтарды адам өміріне тікелей қауіп төндіреді. “Заң мен тәртіп” қағидаты жол қозғалысына қатысушылардың барлығына бірдей қатаң қолданылады», — деп атап өтті ведомство өкілдері.
Бүгін, 12:06