В Атырау +6.3 
«Қазгидромет» таяу күндерге арналған дауылды ескерту жариялады. Қазақстанда ауа райы күрт нашарлайды деп күтілуде: бірқатар өңірде жаңбыр мен қар аралас жауын-шашын, боран, көктайғақ, сондай-ақ кей жерлерде секундына 25–28 метрге дейін жететін дауылды жел болуы мүмкін. Бұл ретте елдің оңтүстігі мен батысында жоғары және төтенше өрт қаупі сақталады.
Аймақтардағы жағдай:
Астана: 22 қазанда батыстан, солтүстік-батыстан соғатын желдің екпіні секундына 15–18 метрге дейін жетеді деп күтіледі.
ШҚО және Абай облысы: Синоптиктер қалың қар жауып, боран соғады және көктайғақ болады деп болжайды. Өскемен мен Семейде жауын-шашын негізінен қар түрінде түседі, ал желдің жылдамдығы кей жерлерде секундына 23 метрге жетеді.
Солтүстік Қазақстан облысы және Петропавл: Қар аралас жаңбыр, көктайғақ және екпіні секундына 25 метрге дейін жететін дауылды жел күтіледі.
Павлодар және Ақмола облыстары: Жауын-шашын, тұман түсіп, желдің жылдамдығы секундына 20 метрге дейін күшейеді деп болжануда.
Алматы және Жетісу облысы: Өңірде секундына 23–28 метрге дейін күшті жел соғады (Алакөл көлдері аймағында және таулы аудандарда), түнде солтүстігінде 3 градусқа дейін үсік жүреді. Іле Алатауы тауларында да желдің екпіні секундына 20 метрге дейін жетеді деп болжанады.
Оңтүстік және батыс өңірлер (Түркістан, Жамбыл, Қызылорда облыстары): Кей жерлерде тұман түсіп, түнде 3 градусқа дейін үсік жүреді, ал күндіз Қызылорда облысында шаңды дауыл соғады. Бұл ретте оңтүстік пен батыстың басым бөлігінде жоғары және төтенше өрт қаупі сақталады.