В Атырау +17.1 
Қызылордада полицейлер нәрестесі бар әйелді көлікпен қағып, оқиға орнынан қашып кеткен жүргізушіні іздестіріп жатыр. Алған жарақаттарынан сәби ауруханада көз жұмды.
Қайғылы оқиға 13 қазанда сағат 17:10 шамасында Құттықожа көшесінде болған. Алдын ала мәлімет бойынша, Mitsubishi Lancer автокөлігінің жүргізушісі жаяу жүргіншілерді қағып, оқиға орнынан дереу бой тасалаған.
Жол-көлік оқиғасы салдарынан зардап шеккендер шұғыл түрде ауруханаға жеткізілді. Қаза тапқан ұл баланың анасы ауыр халде жансақтау бөлімінде жатыр. Ал биылғы мамыр айында дүниеге келген сәби ауыр бас-ми жарақатын алған. Дәрігерлер оның өмірін сақтап қала алмады.
Осы факті бойынша қылмыстық іс қозғалды. Өңірде күдіктіні іздестіру жарияланып, құқық қорғау органдары жедел-іздестіру шараларын жүргізіп жатыр.