В Атырау +21.3 
Ұлттық статистика бюросы қазақстандықтардың 2026 жылғы жалақысына қатысты ауқымды зерттеу нәтижелерін ұсынды. Статистикалық зерттеу ресми түрде жұмыс істейтін 3,37 миллион азаматты қамтыған.
Ведомствоның мәліметінше, еңбек нарығында әйелдердің үлесі ерлерге қарағанда сәл жоғары. Жалпы жұмысшылар санының 51,9%-ын (1,75 млн адам) әйелдер құраса, ерлердің үлесі 48,1%-ды (1,62 млн адам) құрайды.
Қазақстандықтардың табысы қалай бөлінеді?
2026 жылы статистикалық есеп халық табысының өсу үрдісі жалғасып жатқанын көрсетті. Еңбекақысы орташа деңгейден жоғары жұмысшылардың үлесі артып келеді.
300 000 теңгеден жоғары жалақы алатындар — жұмысшылардың 58,4%-ы. Бұл өткен жылмен салыстырғанда 4,7 пайыздық тармаққа жоғары.
100 000–300 000 теңге аралығында жалақы алатындар — азаматтардың 39,3%-ы. Олардың үлесі 3,7 пайыздық тармаққа төмендеген.
100 000 теңгеге дейін жалақы алатындар — зерттеуге қатысқан жұмысшылардың небәрі 2,3%-ы. Бұл көрсеткіш 1 пайыздық тармаққа азайған.
Бір жыл ішінде атаулы жалақының ең жоғары өсімі өндіріс және көлік салаларында байқалды. Өнеркәсіп пен құрылыс жұмысшыларының жалақысы 13,1%-ға, ал жабдық операторлары мен жүргізушілердің жалақысы 10,4%-ға өскен.
Әртүрлі сала мамандары қанша жалақы алады?
Жалақы мөлшері атқаратын қызмет пен біліктілік деңгейіне қарай айтарлықтай ерекшеленеді.
Басшылар мен инженерлер
Ұйым басшылары — 1 101 100 теңге
Салалық инженерлер — 702 000 теңге
Еңбек қауіпсіздігі жөніндегі инженерлер — 645 000 теңге
Инженер-технологтар — 617 000 теңге
Инженер-энергетиктер — 615 100 теңге
Техниктер — 314 700 теңге
Медицина және фармацевтика
Дәрігерлер — 491 400 теңге
Фармацевтер — 347 700 теңге
Фельдшерлер — 313 600 теңге
Мейіргерлер — 264 600 теңге
Қызмет көрсету саласы және жұмысшы мамандықтары
Бухгалтерлер — 398 600 теңге
Автокөлік жүргізушілері — 328 100 теңге
Аспаздар — 192 600 теңге
Күзетшілер — 174 200 теңге