В Атырау +18.8 
Қазақстанда мәдениет пен өнер қайраткерлеріне арналған жаңа мемлекеттік наградалар пайда болады. Құрылтай тиісті заңға енгізілген түзетулерді екінші және соңғы үшінші оқылымда қабылдады.
Жаңа өзгерістер Мемлекет басшысының Құрылтайдың бірінші сессиясының ашылуында берген тапсырмасы негізінде әзірленді. Олардың мақсаты — шығармашылық саладағы марапаттау жүйесін жаңғырту.
Заңнамалық өзгерістер аясында екі маңызды марапат енгізілді:
- «Шәмші Қалдаяқов» медалі — отандық музыкалық мәдениет пен ән өнерін дамытуға сіңірген еңбегі және қосқан ерекше үлесі үшін азаматтарға беріледі.
- «Қазақстанның еңбек сіңірген суретшісі» құрметті атағы — бейнелеу өнері саласында үздік туындылар жасап, Қазақстанның көркемсурет мектебінің дамуына елеулі үлес қосқан өнер шеберлеріне беріледі.
Жаңа марапаттар Қазақстанның көрнекті мәдениет және өнер қайраткерлерінің еңбегін лайықты бағалап, олардың жетістіктерін мойындауға маңызды ынталандыру болады деп күтілуде.