В Атырау +18.8 
Алматыда автотұрақтағы орынға байланысты шыққан қарапайым тұрмыстық келіспеушілік қайғылы жағдаймен аяқталды. Көршілерімен төбелес салдарынан 37 жастағы ер адам пышақ жарақатынан қаза тапты.
КТК телеарнасының хабарлауынша, қайғылы оқиға 37 жастағы Данил Щетников үйіне оралып, өзі әдетте қоятын орында бөтен автокөліктің тұрғанын көрген кезде болған. Ол көршісінен жолды босатуды өтінген, алайда ер адамдар өзара сөзге келіп қалып, кейін төбелеске ұласқан.
Куәгерлердің айтуынша, көршісі көмекке өзінің бауырын шақырған. Оқиға орнына келген ер адам пышақ суырып алып, Данилдың мойнына сұғып алған. Ауыр жарақат алған адам ауруханаға жеткізілгенімен, дәрігерлер оның өмірін сақтап қала алмады — бір аптадан кейін ол алған жарақаттарынан көз жұмды.
Отбасы отағасынан айырылды: марқұмның артында 8 жасар ұлы мен босануы жақын қалған жұбайы қалды.
Күдікті ұсталып, қамауға алынды. Қазір құқық қорғау органдары «Абайсызда жәбірленушінің өліміне әкеп соқтырған денсаулыққа әдейі ауыр зиян келтіру» бабы бойынша қылмыстық істі тергеп жатыр. Алайда марқұмның туыстары істің осылай саралануымен үзілді-кесілді келіспей отыр және істі неғұрлым қатаң — «Кісі өлтіру» бабына қайта саралауды талап етеді.