В Атырау +25.7 
Қазақстан Президенті Қасым-Жомарт Тоқаев барлық деңгейдегі мәслихаттардың өкілеттігін мерзімінен бұрын тоқтату туралы жарлыққа қол қойды. Құжат 12 қазанда Ақорданың ресми сайтында жарияланды.
Жарлыққа сәйкес, Орталық сайлау комиссиясы барлық деңгейдегі мәслихат депутаттарының кезектен тыс сайлауын тағайындау, дайындау және өткізу жөнінде шаралар қабылдауы тиіс.
Үкіметке, Астана, Алматы, Шымкент қалаларының және облыстардың әкімдеріне сайлауды ұйымдастырушылық, материалдық-техникалық және қаржылық қамтамасыз ету жүктелді.
Жарлық жарияланған күнінен бастап қолданысқа енеді.
Бұдан бұрын Тоқаев Премьер-министр Олжас Бектеновпен және Құрылтай Төрағасы Айбек Дәдебаймен мәслихаттардың өкілеттігін мерзімінен бұрын тоқтату мәселесі бойынша консультациялар өткізген болатын. Ол кезде Мемлекет басшысы түпкілікті шешімді Конституция ережелерін және айтылған пікірлерді ескере отырып қабылдайтынын мәлімдеген еді.
Жарлық Конституцияның 88-бабының 5-тармағына, «Қазақстан Республикасындағы сайлау туралы» Конституциялық заңның 101-бабының 3-тармағына және «Қазақстан Республикасындағы жергілікті мемлекеттік басқару және өзін-өзі басқару туралы» Заңның 23-бабының 2-тармағына сәйкес қол қойылды.