В Атырау +23.2 
Өскеменде 40 жастағы полиция қызметкерін өлтірді деген күдікке ілінген ер адам ауруханаға жатқызылды.
YK-news.kz хабарлауынша, ұсталғаннан және уақытша ұстау изоляторына қамалғаннан кейін күдікті мамандандырылған медициналық орталыққа жеткізілді, қазір ол нейрохирургия бөлімшесінде емделіп жатыр.
Шығыс Қазақстан облыстық денсаулық сақтау басқармасы пациенттің жағдайы орташа ауырлық дәрежесінде, қанағаттанарлыққа жақын деп бағаланып отырғанын хабарлады. Жақын арада ол ауруханадан шығаруға дайындалуда.
Еске сала кетейік, қайғылы оқиға 4 қазанға қараған түні 30-шы Гвардиялық дивизия көшесіндегі мекемелердің бірінде болған.
Полиция мәліметінше, қызметтен тыс уақытта болған 40 жастағы құқық қорғау органының қызметкері келушіге оның әдепсіз мінез-құлқы үшін ескерту жасаған. Осыдан кейін ер адам жарақат алып, кейіннен көз жұмды.
Оқиға кезінде мекеменің тағы бір келушісі зардап шекті.
Аталған факті бойынша қылмыстық іс қозғалды. Күдікті ұсталды, тергеу жалғасуда.