В Атырау +11 
Буэнос-Айресте әлемдік футболдың тұтас бір дәуірі аяқталды. 39 жастағы шабуылшы әрі Аргентина құрамасының капитаны Лионель Месси ұлттық құрама сапындағы соңғы матчын өткізді, деп хабарлайды Би-би-си.
Атақты шабуылшы үшін қоштасу ойыны Аргентина құрамасы Бенин құрамасына қарсы өткізген жолдастық кездесу болды. Аргентиналықтар матчта 3:0 есебімен жеңіске жетті.
Месси халықаралық мансабындағы символикалық нүктені өзі қойды: шабуылшы пенальтиді дәл орындап, командасының үшінші голын соқты. Бұл гол оның «альбиселесте» сапындағы 126-голы болды.
Аргентина астанасындағы аты аңызға айналған стадионның трибуналарына 85 мың көрермен жиналды. Қорытынды ысқырықтан кейін жанкүйерлер футбол аңызына қошемет көрсетіп, отшашулар ұйымдастырып, өздерінің басты футбол қаһарманын көздеріне жас алып шығарып салды.