В Атырау +19.7 
Орынбор облысының Россельхознадзор мамандары шекарашылармен бірлесіп, Қазақстаннан Ресейге 480 тотықұстан тұратын партияны заңсыз әкелуге жасалған әрекеттің жолын кесті.
Оқиға «Сағарчин» халықаралық автомобиль өткізу пунктінде болған.
Ресей ведомствосының мәліметінше, ветеринариялық сертификатты тексеру кезінде құжатта құстар әкетілген аумақтың эпизоотиялық жағдайы туралы мәліметтердің жоқтығы анықталған.
Сонымен қатар сертификатта құжаттың түпнұсқалығын растау және ондағы ақпаратты тексеру үшін қажет Қазақстанның «ЕАСУ» ақпараттық жүйесінің QR-коды болмаған.
Тексерушілер әртүрлі құжаттарда көрсетілген тасымалдау бағыты бойынша да сәйкессіздіктерді анықтаған.
Осыған байланысты тотықұстар партиясын Ресейге кіргізуге тыйым салынды. 480 құстың барлығы Қазақстанға кері қайтарылды.
Жүк тасымалдаушы әкімшілік жауапкершілікке тартылды.