В Атырау +11.3 
2026 жылғы қыркүйекте Ұлттық қауіпсіздік комитеті Бас прокуратурамен бірлесіп, «Семей орманы» мемлекеттік орман табиғи резерватының лауазымды тұлғаларының заңсыз әрекетінің жолын кесті.
Тергеу мәліметінше, күдіктілер ағаштарды жаппай заңсыз кесуді және кейіннен оларды сатуды ұйымдастырған тұрақты схеманы құрды деген күдікке ілінді.
ҰҚК мәліметінше, күдіктілер ақшалай сыйақы үшін орманның ең өтімді учаскелеріне кедергісіз қолжетімділікті қамтамасыз етіп отырған.
Тінту барысында құқық қорғау органдары бухгалтерлік құжаттарды, кесуге бөлінген орман орамдары мен ақшалай қаражаттың бөлінуі туралы қолжазба жазбаларды, сондай-ақ басқа да заттай дәлелдемелерді тәркіледі.
Сотқа дейінгі тергеу ҚР Қылмыстық кодексінің 366-бабы 3-бөлігі бойынша жүргізіліп жатыр.