В Атырау +11.3 
Талдықорғанда полиция TikTok әлеуметтік желісіндегі тікелей эфир кезінде балағат сөздер қолданылғанын анықтады.
Тексеру барысында полиция қызметкерлері эфирге қатысушының жеке басын анықтады. Ол 32 жастағы жергілікті тұрғын Айдана Мырзағали болып шықты.
Жиналған материалдар сотқа жолданды. Талдықорған қаласының соты әйелді ұсақ бұзақылық жасағаны үшін кінәлі деп танып, оған айыппұл түрінде әкімшілік жаза тағайындады.
Полиция әлеуметтік желілер қоғамдық кеңістік болып саналатынын және сөз бостандығы пайдаланушыларды құқыққа қайшы әрекеттері үшін жауапкершіліктен босатпайтынын еске салды.
Құқық қорғау органдары сондай-ақ қарым-қатынас мәдениетін сақтауға және әлеуметтік желілерде жарияланған контенттің кәмелетке толмағандарды қоса алғанда, қалың аудиторияға қолжетімді екенін ескеруге шақырды.