В Атырау +8.4 
Алматыда полиция 9 жасар балаға қатысты жыныстық зомбылық әрекеті жасалды деген күдікпен түскен арыздан кейін сотқа дейінгі тергеп-тексеруді бастады.
Оқиға туралы құқық қорғаушы Ләззат Рақышева хабарлады. Оның айтуынша, Human Rights Lawyers қорына баланың анасы жүгінген. Әйелдің мәлімдеуінше, сабақтан кейін көршісі баланы алдап үйіне шақырып, содан соң оған қатысты жыныстық сипаттағы әрекеттер жасаған.
Жарияланған ақпараттан белгілі болғандай, анасы бейнежазбадан ұлының кіреберіске кіргенін көріп, оны іздеуге шыққан. Осы оқиғадан кейін ол полицияға арызданған.
Құқық қорғаушы сондай-ақ Алмалы аудандық полициясының әрекетіне қатысты сұрақтар туындап отырғанын айтты. Баланың анасының сөзінше, алғашқы арыздан кейін күдікті бостандықта жүре берген. Рақышева арыздың уақытылы тіркелгенін және қажетті тергеу әрекеттерінің дер кезінде жүргізілгенін тексеруге шақырды.
Алматы қалалық Полиция департаменті сотқа дейінгі тергеп-тексеру жүргізіліп жатқанын растады.
«Азаматтың жеке басы анықталды. Қазір қажетті тергеу әрекеттері жүргізіліп жатыр, олардың нәтижесі бойынша Қазақстан Республикасының заңнамасына сәйкес процестік шешім қабылданады», — деп хабарлады полициядан.
Істің өзге мән-жайы ресми түрде әлі жарияланған жоқ.