В Атырау +24.6 
Қарағандыда Зелинский атындағы көшенің атауы мердігердің қателігінен «Зеленский көшесіне» айналып кетті, деп хабарлайды centralmedia24.kz.
Әлеуметтік желі мен БАҚ-та №60 үйге орнатылған су жаңа көрсеткіштің суреті тарады. Онда мердігер академик Зелинскийдің тегінен бір әріптен қате жіберіп, көшені «ауыстырып» тастаған.
Жергілікті әкімдік мұндай «геосаяси тосынсыйдан» тез арада бойын аулақ салды.
Билік не істеді?
Қате жазылған көрсеткіштер шұғыл түрде қайта түсірілді.
«Қателікке» жол берген мердігерге қатаң тапсырма берілді: ол барлық көрсеткіштерді өз есебінен қайта жасап, қайта ілетін болды.
«Ең бастысы, қайта тапсырыс бергенде "И" әрпін тағы да "Е" әрпіне ауыстырып алмаса болғаны — мердігерлерге қарағанда, бюджеттің "жүйкесі" нәзік», — деп мысқылдайды әлеуметтік желіде пікір қалдырған қала тұрғындарының бірі.