В Атырау +23.3 
Маңғыстау облысында оқу-жаттығу кезінде әскери қызметшілердің қаза болу дерегі бойынша қылмыстық істі тергеу жалғасып жатыр.
Тергеу органдары хабарлағандай, оқиға орнында егжей-тегжейлі тексеру жүргізілді. Қазір тергеушілер 30-дан астам әскери қызметшіден жауап алып, барлық қажетті құжаттама мен бейнебақылау камераларының материалдарын алып қойды. Іс бойынша 12 сот сараптамасы тағайындалды.
Қызметке салғырт қарады деп күдіктелген лауазымды тұлғалардың шеңбері анықталды.
«Ауа райы жағдайын ескере отырып, жеке құрамның бақылауы мен қауіпсіздігін қамтамасыз етпеген, сондай-ақ адам өліміне әкеп соқтырған құтқару жұмыстарын тиісті түрде ұйымдастырмаған тұлғалар анықталды», — деп атап өтті ведомствода.
Тергеуде барлық қатысушыларға толық құқықтық баға берілетіні, ал тергеу қорытындысы бойынша толық процестік шаралар қабылданатыны баса айтылды.
Тергеу барысы бақылауда.
Бүгін, 10:55