​Әзірбайжан Каспийде әскерилердің қаза болуына байланысты Қазақстанға көңіл айтты

Әзірбайжан Сыртқы істер министрлігі Каспий теңізінде Қазақстан Әскери-теңіз күштерінің оқу-жаттығуы кезінде қаза тапқан әскери қызметшілердің отбасыларына көңіл айтты.

Ведомство тиісті мәлімдемені әлеуметтік желіде жариялады.

СІМ бұл қайғылы оқиғаға байланысты қатты қайғыратынын атап өтіп, қаза тапқандардың туған-туыстары мен жақындарына, Қазақстан халқына және үкіметіне қолдау сөздерін жеткізді.

«Алла тағала қаза тапқандарға мәңгілік тыныштық, ал олардың отбасыларына осы бір ауыр сәтте күш-жігер мен сабыр берсін», — делінген хабарламада.

Сыртқы саяси ведомство сондай-ақ әлі де хабар-ошарсыз қалып отырғандардың аман құтқарылуына үміт білдіріп, зардап шеккен әскери қызметшілердің тезірек сауығып кетуін тіледі.