В Атырау +27.7 
Президент Қасым-Жомарт Тоқаев мемлекеттік басқару жүйесін жаңғырту аясында жергілікті өкілді органдардың қызметін заңға сәйкестендіру қажеттігін айтты.
Ол мәслихат депутаттарының басым бөлігі бұрынғы «Amanat» партиясынан сайланғанын, ал бұл ұйым бүгінде «Әділет» партиясына қосылып, қызметін тоқтатқанын еске салды.
Мемлекет басшысы жақын арада Премьер-Министрмен және Құрылтай Төрағасымен барлық деңгейдегі мәслихаттардың өкілеттігін мерзімінен бұрын тоқтату жөнінде кеңес өткізетінін, кейін тиісті Жарлыққа қол қоятынын мәлімдеді.
Орталық сайлау комиссиясы сайлау күнін жариялауы тиіс. Президенттің айтуынша, бұл қадам мәслихаттардың кәсіби әрі білікті корпусын қалыптастыруға жол ашып, олардың жұмысына тың серпін береді.
«Жергілікті депутаттар халықтың мүддесін қорғайды, бюджетті бекітеді, елді мекендерді дамытуға үлес қосады. Сондықтан өкілді органдардың қызметі заңға сәйкес болуы аса маңызды. Жаңа сайлау жоғары деңгейде өтіп, елдің өркендеуіне ықпал етеді деп сенемін», – деді Тоқаев.
Бүгін, 13:43