В Атырау +24.4 
ҚР Денсаулық сақтау министрлігі жатыр мойны обырының алдын алу бағдарламасының ауқымын кеңейтуде. Бұған дейін адам папилломасы вирусына (АПВ) қарсы тегін вакцинация тек 11–13 жастағы қыздар арасында жүргізілсе, енді жас шегі 17 жасқа дейін (қоса алғанда) көтерілді.
Өңірлік коммуникациялар қызметінің мәліметінше, жыл басынан бері вакцинаның алғашқы дозасын 33 мыңнан астам қазақстандық мектеп оқушысы алды, толық курстан (екі доза) 24 мыңнан астамы өтті. Бейінді мамандардың мәлімдеуінше, егілгендер арасында ауыр жанама әсерлер тіркелген жоқ.
Құрғақ статистика мен нақты цифрлар:
Жыл сайын Қазақстанда ~2 000 әйелден жатыр мойны обыры анықталады.
Жыл сайын бұл дерттен елде 600-ге жуық науқас көз жұмады.
АПВ онкологияның дамуына түрткі болатын басты фактор болып табылады: вирус ағзада жылдар бойы симптомсыз өмір сүріп, ересек жаста қатерлі ісіктердің пайда болуына әкелуі мүмкін.