Еркінғали Бүркіталин Қазақстан қоржынына Азия ойындарындағы бесінші алтынды салды

57 рет қаралды

Қазақстандық жауынгер Еркінғали Бүркіталин Жапонияда өтіп жатқан XX жазғы Азия ойындарындағы аралас жекпе-жек жарысында алтын медаль жеңіп алды.

Оның жеңісі Қазақстан құрамасына биылғы Азия ойындарындағы бесінші алтынды әкелді.

77 келіге дейінгі салмақтағы ММА-ның дәстүрлі стиліндегі финалда Бүркіталин Бахрейн өкілі Мұхаммед Набиевпен кездесті. Қазақстандық спортшы 3:0 есебімен жеңіске жетті. Шешуші жекпе-жек Нагоядағы Инаэ спорт орталығында өтті.

Биылғы ойындарда аралас жекпе-жек алғаш рет жазғы Азия ойындарының бағдарламасына енгізілді.

Жарыстар 4 қазанға дейін жалғасады. Қазақстан атынан 558 спортшы қатысып, спорттың 35 түрінен медальдар үшін бақ сынауда.

Бүгін, 11:46

Телеграм арнасына жаңалық жіберу

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы тақырыпқа қатысты бөлісетін жаңалық болса, бізге хабарласыңыз. Ақпарат пен видеоны Телеграм арнамызға және editor@azh.kz жіберіңіз.