В Атырау +25.7 
Қазақстан азаматы 11 мамырдан бері Үндістанда қамауда тұрған Unity мұнай танкерінің экипаж құрамында.
Теңізшілердің үйлеріне қайту мәселесі әзірге шешілген жоқ, деп хабарлайды ТАСС Калькуттадағы Ресейдің бас консулдығына сілтеме жасап.
Кеме бортында барлығы 23 адам бар: Қазақстан азаматы, капитанды қоса алғанда 20 Ресей азаматы және Мысырдың екі азаматы.
Камерун туы астында жүзетін кеме жүк түсіру жұмыстары аяқталғаннан кейін кеме иесіне қатысты қаржылық талаптарға байланысты қамауға алынған. Даулы іске қатысушы екі компания да БАӘ-де тіркелген. Істі Үндістанның Орисса штатының соты қарап жатыр.
Танкер Парадип портының маңында зәкірде тұр. Бас консулдықтың мәліметінше, кемеге жөндеу қажет және ол жүзуді жалғастыра алмайды.
Үндістан тарапы теңізшілердің үйлеріне қайтуын ауыстыру экипажының келуімен байланыстырып отыр. Ресейдің «Согласие» сақтандыру компаниясы теңізшілер атынан адвокат арқылы сотқа жүгініп, оларды елге қайтаруды қамтамасыз етуді талап етті. Келесі сот отырысы 21 қыркүйекке белгіленген.
Азық-түлік пен ауыз су қоры кемеге 19 тамызда жеткізілді. Капитанның есебінше, қор қыркүйек айының соңына дейін жетуі тиіс.
Бұған дейін теңізшілердің туыстары азық-түлік пен ауыз судың тапшылығы, байланыстағы үзілістер және техникалық ақаулар туралы хабарлаған. Олардың айтуынша, экипаж мүшелерінің көпшілігінің келісімшарт мерзімі аяқталған немесе қыркүйекте аяқталады, ал кейбір теңізшілер кемеде он айдан астам уақыттан бері отыр.