В Атырау +23.1 
Соңғы бес жылда Қазақстанда балалар өлім-жітімінің негізгі көрсеткіштері тұрақты түрде төмендеді. Ұлттық статистика бюросының мәліметінше, 2021-2025 жылдар аралығында бес жасқа дейінгі балалар арасындағы өлім-жітім 39 пайызға төмендеген.
Бұл жас тобындағы балалар өлімінің абсолютті саны 2021 жылғы 4,4 мыңнан 2025 жылы 2,7 мыңға дейін азайды. Сондай-ақ 1000 тірі туған балаға шаққандағы балалар өлім-жітімінің коэффициенті 9,9-дан 8,1-ге төмендеді.
Әлемдік көрсеткіштермен салыстыру
БҰҰ-ның Ведомствоаралық тобының есептері негізінде жасалған Our World in Data порталының мәліметтері бойынша, Қазақстанның көрсеткіштері әлемдік орташа деңгейден айтарлықтай жақсы:
- Әлемде 5 жасқа дейінгі қайтыс болған балалардың үлесі: туған балалардың жалпы санының 3,7 пайызы.
- Қазақстанда 5 жасқа дейінгі қайтыс болған балалардың үлесі: 0,9 пайыз.
Жаһандық рейтингтегі орны
Балалар өлім-жітімі ең төмен елдердің әлемдік рейтингінде Қазақстан 70-орында тұр. Бұл көрсеткіш бойынша Қазақстан өңірдегі көршілерінің барлығынан алда:
- Қазақстан – 70-орын (0,9 пайыз);
- Өзбекстан – 97-орын (1,3 пайыз);
- Қырғызстан – 113-орын (1,7 пайыз);
- Тәжікстан – 141-орын (2,8 пайыз);
- Түрікменстан – 160-орын (3,9 пайыз).
Сарапшылар мұндай динамиканы ана мен баланы қорғау жөніндегі мемлекеттік бағдарламалардың іске асырылуымен, сондай-ақ жоғары технологиялық медициналық көмектің қолжетімділігінің артуымен байланыстырады.