В Атырау +18.8 
Жезқазғанда жаңа әкім тағайындалды. Қала әкімі қызметіне 35 жастағы Мұрат Бурибаев тағайындалды. Қаланың жаңа басшысын қала активіне Ұлытау облысының әкімі Есет Байкен таныстырды.
Ол бұл қызметте 2022 жылдың маусым айынан бері Жезқазғанды басқарған Қайрат Шайжановтың орнына келді. Бұған дейін Шайжанов әлеуметтік желілерде отставкаға кететінін жариялап, тұрғындарға қолдауы мен бірлескен жұмысы үшін алғыс білдірген болатын.
«Сіздер мені қолдаған жерде қанаттандым, ал сын айтқан жерде шыңдалдым. Мен үшін Жезқазған жай ғана қала емес, тағдырыммен байланысты туған жерім», — деп жазды отставкаға кеткен бұрынғы әкім.
Жаңа әкім туралы не белгілі
Мұрат Бурибаев 1991 жылы дүниеге келген. «Металлургия», «Экономика және бизнес» мамандықтары бойынша жоғары білімі, сондай-ақ мемлекеттік менеджмент бойынша магистр дәрежесі бар.
Еңбек жолын «Қазақмыс» корпорациясы» ЖШС құрылымында жұмысшы мамандықтарынан бастаған:
- Мансабының бастауы: «Нұрқазған» байыту фабрикасында 3-разрядты флотацияшы, іс жүргізуші және шебер болып жұмыс істеген.
- Өнеркәсіптегі басшылық қызметтері: 2012-2024 жылдар аралығында цех бастығы мен бас инженерден бастап, Жезқазған байыту фабрикалары №1, №2, №3 директорына дейінгі қызметтерді атқарған.
- Мемлекеттік қызмет: Жезқазған қаласының әкімі болып тағайындалғанға дейін Сәтбаев қаласының әкімі қызметін атқарған.
Бүгін, 10:22