Павлодарлық оқушы қызды зорлап өлтірген күдікті ұсталды

Павлодар облысы Евгеньевка ауылының сегізінші сынып оқушысы Анастасия Шарипованы зорлап өлтірген күдікті ұсталды. Бұл туралы ҚР Ішкі істер министрлігінің ресми өкілі Нұрділдә Ораз Twitter-де хабарлады.

«Полицейлер қылмысты қыздың мүрдесі табылғаннан кейін үш күн өткен соң ашты. Оқушыны зорлап өлтірген күдікті анықталып, ұсталды», - деп хабарлады Н.Ораз.

Павлодар облыстық ІІД басшылығы қылмыс жөнінде толығырақ ақпаратты бейсенбі күні таратады.

Еске сала кетсек, 14 жасар Настя Шарипова 21 қазанда із-түссіз жоғалып кетті. Оны іздестіруге 700-ден астам адам жұмылдырылды. Алдын-ала болжам бойынша, ол жоғалған күні көз жұмған.

Дереккөз: BNews.kz