Іздеу жарияланған жеткіншекті зорлап, артынан буындырып өлтірген

Павлодар облысына қарасты Евгеньевка ауылынан жоғалған 14 жасар қыздың мәйіті табылды.

Осыдан екі аптадай уақыт іздеу жарияланған жеткіншекті зорлап, артынан буындырып өлтірген дейді мамандар. Оқушы қыздың денесінде бірнеше жарақат іздері болған. Қылмыскер оны өлтіргеннен кейін көміп кетіпті.

Оқиғаның дәл қай күні орын алғандығы анықталу үстінде. Қазіргі таңда тәртіп сақшылары қылмысқа қатысы болуы мүмкін күдіктілерді іздестіріп жатыр. Бұған дейін ҚР Қылмыстық кодексінің 96 бабы бойынша қылмыстық іс қозғалған болатын.

Бүгінде Анастасия Шарипованың денесі мәйітханада. Жерлеу рәсімі ертең өтеді деп жазады Total.kz.

Естеріңізге салайық, 21 қазан күні А.Шарипова мектептен шығып, үйіне оралмаған. Үй мен мектеп арасы шамамен 500 метр ғана. Оны іздеуге 500-ге тарта полицей мен еріктілер жұмылдырылды.

Оқушының өлі денесі тек екі апта өткеннен кейін өз үйінің маңында табылған.