Атырау, 28 қараша 07:05
 бұлыңғыр болады В Атырау +1
$ 423.87
€ 505.25
₽ 5.59

Пан Ги Мун Тоқаевқа БҰҰ-дағы қызметі үшін алғыс білдірді

1 528 рет қаралды

АСТАНА, 24 қаз – Қазақстан жаңалықтары АА. БҰҰ Бас Хатшысы Пан Ги Мун Қасым-Жомарт Тоқаевқа жолдаған жеке хатында Қазақстан Парламенті Сенатының Төрағасы болып сайлануымен құттықтады және БҰҰ Бас Хатшысының Орынбасары, БҰҰ-ның Женевадағы бөлімінің бас директоры лауазымындағы табысты қызметі үшін алғыс айтты, деп хабарлады бейсенбіде сенаттың баспасөз қызметі.

«Сіздің Женевадағы орныңыз ерекше болатын. Біріккен Ұлттар Ұйымының бүкіл жүйесіндегі әріптестерім атынан белсенділігіңіз және ынтымақшылдығыңыз үшін алғысымды білдіремін. Халықаралық қоғамдастық үшін күрделі кезеңде Сіз Женеваны халықаралық қызметтің маңызды торабына, БҰҰ-ның жоғары деңгейдегі күш-жігері мен көптеген шараларының орталығына айналдыруға ықпал еттіңіз», - делінген БҰҰ Бас хатшысының хатында.

Қызметі мен достығына өзінің ризашылығын білдірген Пан Ги Мун Қ.Тоқаевқа жаңа әрі жауапты миссияны жүзеге асыруда ізгі тілектестігін жеткізді. 

Дереккөз: newskaz.kz

 
24 қазан 2013, 13:10

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.