В Атырау
+10 
АСТАНА, 17 қаз – Қазақстан жаңалықтары АА. 2014 жылы бес бағыт бойынша жүрдек пойыздарды іске қосу жоспарлануда, ол әр бағыт бойынша жол жүру уақытын орташа есеппен 1,5-2 есеге дейін қысқартпақ, деп хабарлайды ҚР Көлік және коммуникация министрлігінің баспасөз қызметінен.
«Астана - Қызылорда, Алматы - Ақтөбе, Алматы - Защита, Астана - Защита және Алматы - Ташкент бағыттарында жүрдек пойыздарды іске қосу жоспарлануда, Аталған бағыттардың ашылуы осы өңірлердегі жолаушылар тасымалына деген жоғары сұранысты қанағаттандыруға мүмкіндік береді, сондай-ақ әр бағыт бойынша жол жүру уақыты орташа есеппен 1,5-2 есеге дейін қысқармақ», - делінген хабарламада.
Ведомствоның атап өтуінше, Астанадан Қызылордаға жолаушылар қазіргідей 2 тәулікте емес, бір тәуліктің ішінде жететін болады. Астана-Защита жүрдек пойызы болса Павлодар стансасына аялдайтын болады.
Ағымдағы жылы Алматы - Атырау, Астана -Атырау және Астана - Семей бағыттарында жаңа жүрдек пойыздарының іске қосылғанын айтып өту керек. Аталған бағыттар бойынша жол жүру уақыты екі есеге дейін қысқартылды.
Дереккөз: newskaz.kz