Атырау, 20 сәуір 15:36
Кешке ашық+5, түнде +2
ҚР Ұлттық банкінің валюта бағамы: $ 379.19  € 426.63  P 5.92

Елбасы қазақстандықтарды Құрбан айт мерекесімен құттықтады

12 қазан 2013 08:56

ҚР Президенті Нұрсұлтан Назарбаев Қазақстан халқын келе жатқан Құрбан айт мерекесімен құттықтады, деп хабарлайды BNews.kz агенттігі. 

Елбасының құттықтау сөзі ресми басылымда жарияланған. Төменде BNews.kz агенттігі құттықтау сөзінің толық мәтінін ұсынады. 

Қымбатты отандастар!

Баршаңызды айтулы мереке – Құрбан айт мейрамымен шын жүректен құттықтаймын!

Бұл мейрам – ұлт пен ұлысты ұйыстыратын рухани ұлы құндылықтардың бірі. Осы қасиетті күндері көпшілік жұрт құрбандық шалып, бір-біріне тек жақсылық тілейді. Береке мен бірлікті, қайырым мен қанағатты арттыратын құтты мейрам – Құрбан айт адамдардың етене араласуына, ұлттар мен діндердің өзара ынтымақтастығына жол ашады.

Ол жетім-жесірді жебеу, мұқтажға қолұшын беру сияқ­ты гуманистік дәстүрлерді нығайтуға қомақты үлес қосады. Ата-бабаларымыз осы асыл үрдістерді ға­сыр­лар бойы ұрпақтан-ұрпаққа жалғастырып келеді.

Еліміз азаттық алғалы бері ата дініміз нағыз өркендеудің жолына түсті. Дін өз руханилық негіздерін нығайтатын, өзгеге өнеге болатын ізгі ниет пен игі әрекеттен көрініс табады. Діннің бас­ты мұраты – қоғамның биік рухани мәдениетін қалыптастыру.

Қазақстан халқының басым бөлігін құрайтын мұсылман жамағаты мемлекетіміздегі бірлік пен ынтымақтың бекем бола түсуіне айтарлықтай үлесін қосуда. Еліміздегі түрлі дін өкілдерінің өзара татулығы әлемге үлгі көрсетіп отырғаны қуантады.

Халқымыз өз рухани болмысын сақтап, ерік-жігерін арттыра отырып, одан әрі өркендеу жолына қадам баса береді деп кәміл сенемін. Алла тағала барлық дұға-тілектеріңізді қабыл етсін!

Құрбан айт мүбәрак болсын!

Барша қазақстандықтарға береке-бірлік, бейбіт өмір, әр шаңыраққа игілік пен амандық тілеймін!

Дереккөз: bnews.kz

Нашли ошибку? Выделите её мышью и нажмите Ctrl + Enter.
 

2860 рет қаралдыБасты бет Поделиться:

Подпишитесь и узнавайте о новостях первыми


Басты бет

1 2 3 4 5