Альянс Банктің басшылығы толығымен ауысты

Қазақстанның ең ықпалды бизнесмендерінің бірі Тимур Исаев «Альянс Банк» АҚ басшылығына келді, деп хабарлайды BNews.kz тілшісі банктің баспасөз қызметіне сілтеме жасап. 

Мақсат Қабашевтің өкілеттігі ағымдағы жылдың 8-9 қазанындағы директорлар кеңесінің шешімен бүгіннен бастап тоқтатылды. М.Қабашев өз қалауымен қыметін тапсыру жөнінде өтініш білдірген. 

«Сол шешіммен өз еріктерімен басқарма төрағасының орынбасарлары – «Альянс банк» АҚ басқармасының мүшелері Қайыржан Мимикенов пен Ерлан Манатаевтың өкілеттіктері де мерзімінен бұрын тоқтатылды, ал 2013 жылдың 16 қазанына бастап – қаржы директоры (CFO) – «Альянс Банк» АҚ басқарма мүшесі Ескендір Майлыбаевтың өкілеттігі тоқтайды», - деп көрсетілген хабарламада.

2013 жылдың 10 қазанында «Альянс Банк» АҚ басқарма төрағасы болып Тимур Исаев, ал оның орынбасарлары – банктік басқарма мүшелерінің қызметіне Талғат Қуанышбаев пен Айдын Әуезқанов келді, деп хабарлайды Альян Банк баспасөз қызметінен. 

Дереккөз: bnews.kz