Қазақстандықтар Құрбан айтта 3 күн демалады

АСТАНА,  8  қаз –Қазақстан жаңалықтары АА. ҚР Үкіметі басшысы демалыс күнін 2013 жылдың 12 қазанынан 14 қазанға ауыстыру туралы қаулыға қол қойды деп хабарланады премьер-министрдің ресми сайтында.

«Еңбекшілердің демалысы үшін қолайлы жағдайлар жасау және 2013 жылғы қазандағы жұмыс уақытын ұтымды пайдалану мақсатында ҚР Премьер-Министрі Серік Ахметов демалыс күнін 2013 жылғы 12 қазан сенбіден 14 қазан дүйсенбіге ауыстыру туралы Үкімет қаулысына қол қойды»,-делінген хабарламада. 

Қаулыға сәйкес қажетті өнім шығару, қаржы қызметтерін қоса алғанда, қызметтер көрсету, сондай-ақ құрылыс объектілерін іске қосу үшін еңбек, материалдық және қаржы ресурстарымен қамтамасыз етілген ұйымдарға кәсіподақ ұйымдарымен келісім бойынша 2013 жылғы 14 қазанда жұмыс жүргізуге құқық беріледі.

Көрсетілген күнгі жұмыс Қазақстан Республикасының қолданыстағы заңнамасына сәйкес өтеледі.

Дереккөз: newskaz.kz