Атырау, 3 желтоқсан 02:14
 ашық В Атырау -10
$ 425.49
€ 512.84
₽ 5.63

Қазақстанның төрт полигонында «Шығыс-2013» жаттығуы басталды

1 158 рет қаралды

АСТАНА, 8 қаз – Қазақстан жаңалықтары АА. Бүгін Шығыс Қазақстан және Алматы облыстарының аумағында «Шығыс-2013» халықаралық жедел-стратегиялық оқу жаттығуы басталады, деп хабарлайды республика қорғаныс министрлігінің баспасөз қызметі.

Жаттығу 8-қазанда басталып 14 қазанда аяқталады. Оған Қарулы Күштері Бас штабының бастығы генерал-полковник Сәкен Жасұзақов жетекшілік етеді.

Қорғаныс министрлігінің хабарлауынша, жаттығу бір мезетте Шығыс, Көктал, Изенді және Майлин полигондарында басталады. Оқу-жаттығуға Құрлық әскерлерінің құрамалары: «Шығыс» өңірлік қолбасшылығының әскерлері, мотоатқыштар, артиллерия бөлімшелері, Аэроұтқыр әскерлердің бөлімдері, сондай-ақ Әуе қорғанысы күштері Әскери-әуе күштерінің авиациясы қатысады.

ҰҚШҰ-ға қатысушы мемлекеттер жауынгерлік басқару органдары арасында тәжірибе алмасу және ынтымақтастықты нығайту мақсатында оқу-жаттығуға Ресей Федерациясының Қарулы Күштерінен жедел топ тартылатын болады.

Дереккөз: newskaz.kz

 
8 қазан 2013, 10:57

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.