Атырау, 29 наурыз 18:55
 ашықВ Атырау +1
$ 448.15
€ 483.46
₽ 4.86

Жолдың қарсы жолағына шыққан көлік иесі жүргізуші куәлігінен айырылады

2 330 просмотра
Енді жолдың қарсы жолағына шыққан көлік иелері жүргізушілік куәліктерінен айырылады.

Бұл туралы бүгін ҚР Президенті жанындағы Орталық коммуникациялар қызметіндегі баспасөз мәслихатында ҚР Ішкі істер министрінің орынбасары Ерлан Тұрғұмбаев мәлім етті.

«Қазіргі кезде Қазақстанның Ішкі істер министрлігі заңнамалық актілерге бірқатар өзгерістер енгізді, сондай-ақ «Жол қозғалысы туралы» жаңа заң жобасы әзірленді. Бұл құжаттың жобасында жол жүру ережесін бұзғаны үшін автокөлік иесі мен жаяу жүргіншілердің жауапкершілігі күшейтілді. Егер де бұрындары жолдың қарсы жолағына шыққаны үшін айыппұл салынса, енді көлік иесі ереженің осы бөлігін үш реттен астам бұзса, онда ол жүргізуші куәлігінен алты айға дейін айырылуы мүмкін»,-деді вице-министр.

Белгілі болғандай, биылғы 8 айда жол полициясы 1 млн. 339 мың құқық бұзушылықтың жолын кесті. Көлікті мас күйінде басқарған 32 мың жүргізуші құрықталды. Сонымен қатар жол жүру ережесін өрескел бұзған 90 мың жаяу жүргіншіге айыппұл салынды.

Дереккөз: ҚазАқпарат

30 қыркүйек 2013, 17:38

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 771 37 800 38 нөміріне және editor@azh.kz поштасына жібере аласыз.