Атырау, 19 сәуір 15:51
Кешке ашық+4, түнде 0
ҚР Ұлттық банкінің валюта бағамы: $ 379.19  € 426.63  P 5.92

Денсаулық сақтау министрлігі короновирус эпидемиясына байланысты Сауд Арабиясына барудан бас тартуға шақырды

26 қыркүйек 2013 10:02
ҚР Денсаулық сақтау министрлігі өте қажет болған жағдайларда болмаса, мүмкіндігінше Сауд Арабиясына сапарға барудан бас тартуды ұсынады.

«Министрлік ағымдағы жылғы қазанда қажылық жасау үшін қажылыққа баратындардың жаппай сапары болатындығын ескере отырып, өте қажет болған жағдайларды қоспағанда мүмкіндігінше Сауд Арабиясына сапарға барудан бас тартуды ұсынады», - делінген хабарламада.

Таяу Шығыс елдеріне баратын адамдар мынадай бірінші кезектегі алдын алу шараларын сақтауы қажет: науқас адамдармен жақын қарым-қатынасты болдырмау;  адамдар көп жиналатын орындарда болғанда бір рет қолданылатын бетперделерді пайдалану; қолды жиі жуу, кір қолмен көзді, мұрынды және ауызды ұстамау. Инфекция дәл осындай жолмен беріледі; ауыз су режимін сақтау, яғни тек ыдысқа құйылған суды ғана пайдалану.

Сондай-ақ, ҚР Денсаулық сақтау министрлігі Таяу Шығыс елдерінен оралған адамдардың назарын респираторлық аурудың белгілері пайда болған кезде тез арада дәрігерге жүгіну керектігіне аударады.

 

Қазақстан Республикасы Денсаулық сақтау министрлігі республика аумағында жаңа коронавирус тудырған таяу шығыс респираторлық синдромымен (MERS-CoV) ауыру жағдайы тіркелмегенін хабарлайды.

ДДҰ-ның ресми мәлімдемесіне сәйкес бүгінгі күні әлемде аурудың 130 зертханалық расталған жағдайы тіркелген, оның ішінде 58-і өлім-жітіммен аяқталған.

Ауру жағдайлары бірқатар Таяу Шығыс елдерінде тіркелді: Иордания, Катар, Біріккен Араб Әмірліктері (БАӘ) және Сауд Арабиясы. Ішінара зертханалық расталған жағдайлар, сондай-ақ Италияда, Ұлыбритания Біріккен Корольдігінде, Солтүстік Ирландияда, Тунисте және Францияда тіркелген. Ең көп зақымданғандар Сауд Арабиясында.

Дереккөз: Қазақстан жаңалықтары АА.

 
Нашли ошибку? Выделите её мышью и нажмите Ctrl + Enter.
 

731 рет қаралдыБасты бет Поделиться:

Подпишитесь и узнавайте о новостях первыми


Басты бет

1 2 3 4 5