Қазақстан Байқоңырдан 30 қыркүйекте «Протон» зымыран тасығышын ұшыруға келісімін берді

АСТАНА, 25 қыр – Қазақстан жаңалықтары АА. Қазақстан Ресейге Байқоңырдан 30 қыркүйекте «Протон» зымыран тасығышын ұшыруға рұқсат берді. 

«Біз 30 қыркүйектен бастап «Протон» зымыран тасығышын ұшыруларды  қайта бастауды келісу мүмкін деп санаймыз», - деді ҚР қоршаған ортаны қорғау министрлігі Экологиялық реттеу және бақылау комитетінің төрағасы Данияр Ереншінов. 

Бұл ретте «Роскосмос» агенттігі басшысының орынбасары Александр Лопатин ресейлік БАҚ-тарда жарияланған, 30 қыркүйекке көзделген «Протонды» ұшыру қазақстандық тараптың келісімінсіз жоспарланды, делінген ақпаратты  жоққа шығарды. 

Дереккөз: newskaz.kz