Алматы мектептерінің бірінде 50-ге жуық оқушы уланып қалды

Алматы қаласындағы дарынды балаларға арналған №173 мектеп-лицейінің 48 оқушысы астан уланып қалды, деп хабарлайды Tengrinews.kz. Олардың 28-і ауруханаға жатқызылған.

«Уланғандардың  барлығы – бастауыш сынып оқушылары. Олардың дені ішек инфекциясы белгілерімен түсті. Өздері әртүрлі тағам қолданғандарын айтады. Мәселенің анық-қанығын санэпидемиологтар анықтайтын болады», - деді  жұқпалы аурулар балалар емханасының бас дәрігері Ержан Әліби.

Әзірге оқиғаға байланысты аталмыш оқу ордасы ешқандай мәлімдеме жасаған жоқ. Алайда, мектеп қалалық Денсаулық сақтау басқармасы мамандарының тексерісіне байланысты уақытша жабылған.

Дереккөз: Қазақстан жаңалықтары АА.