Француз соты Сирияның экс-президенті Башар Асадқа және оның режиміндегі алты бұрынғы жоғары лауазымды әскери мен шенеунікке тұтқындау ордерін шығарды, деп хабарлайды INTERFAX.RU сейсенбі күні La Croix газетіне сілтеме жасап.

«13 жылдық тергеуден кейін Париж сотының Адамзатқа қарсы қылмыстар бойынша арнайы палатасының тергеуші судьялары әскери қылмыстарға және адамзатқа қарсы қылмыстарға қатысы бар деген айыппен жеті бұрынғы жоғары дәрежелі сириялық шенеуніктерге тұтқындау ордерін берді», – деп келтіреді басылым Адам құқықтары жөніндегі халықаралық федерацияның (FIDH) мәлімдемесін.

Бұрынғы сириялық басшылар 2012 жылғы 22 ақпанда Хомстағы баспасөз орталығын атқылағаны үшін айыпталуда. Сол шабуылдың салдарынан халықаралық БАҚ-тың журналистері қаза тауып, жарақат алды.

Бұрынғы Сирия президентінен бөлек, ордер оның бауыры, оқиға кезінде Сирияның 4-ші танк дивизиясын басқарған Махер Асадқа, сол кездегі Жалпы барлау қызметінің директоры Әли Мамлюкке, Сирия армиясының бас штабының бастығы Әли Айюбқа да шығарылды.

Жәбірленушілердің туыстары мен зардап шеккендердің адвокаттарының пікірінше, тұтқындау ордерін шығару – Францияда сот ісін бастауға жол ашатын шешуші қадам.