«Бұл қалыпты ма?» — атыраулықтар Жайық cуының түсін талқылауда

Махамбет ауданының Чкалов ауылында тұрғындары Жайық өзенінің суы кенеттен қою жасыл түске боялғанын байқаған. Өзеннің әдеттен тыс көрінісі түсірілген кадрлар әлеуметтік желіде тез тарап, қызу пікірталас тудырды.

Көпшілік бұл құбылысты ықтимал ластанумен байланысты болуы мүмкін деген ортақ пікірде болды.

Ал облыстық экология департаменті жағдайға түсініктеме беріп, мамандар тексеру жүргізгенін хабарлады. Қорытындыға сәйкес, судың түсі табиғи балдырлардың көктеуінен өзгерген, техногендік төгінділерге қатысы жоқ.

— Мамандар тұрғындардың денсаулығы мен экожүйеге қауіп төнбес үшін мониторинг жүргізуді жалғастыруда. Тексеру нәтижелері жұртшылыққа хабарланатын болады, — деп нақтылады ведомство.

Анастасия ШЕРСТЯНКИНА

Әлеуметтік желіден алынған видео