Атырау, 27 қараша 07:49
 бұлыңғыр болады В Атырау +1
$ 422.40
€ 502.78
₽ 5.59

Қадағалау сот алқасы Челахтың ісін қайта қараудан бас тартты

1 299 рет қаралды

АСТАНА, 2 қыр – Қазақстан жаңалықтары АА. Қазақстан Республикасы Жоғарғы Сотының қылмыстық істер жөніндегі қадағалаушы сот алқасы сотталған Владислав Челахқа қатысты заңды күшіне енген сот актілерін қайта қарау туралы адвокат С. Сәрсеновтің өтінішін қанағаттандырған жоқ, деп хабарлайды ҚазАқпарат агенттігі.

"Жоғарғы Сот судьялары адвокат Сәрсеновтiң өтiнiшiн қарастыра отырып, мамандандырылған ауданаралық әскери соттың, апелляциялық және кассациялық сот алқаларының шешiмiн заңды деп тауып, оның өзгертiлуiн негiзсiз деген қорытындыға келдi. Сәрсеновтiң өтiнiшiн қанағаттандыруға және сот актiлерiн қайта қарауға негiз жоқ", - дедi Қазақстан Республикасы Жоғарғы Сотының қылмыстық істер жөніндегі қадағалаушы сот алқасының судьясы Дәулен Нұралин.

Бұдан бұрын хабарланғандай, мамандандырылған ауданаралық әскери соттың 2012 жылғы 11 желтоқсандағы үкімімен әскери қызметші В. Челах ҚР ҚК-ның 96-бабының 2-бөлігінің «а,в,д,к,н,», 172-бабының 1-бөлігінде, 175-баптың 2-бөлігі. «б, в» тармақтарында, 255-бабы 3-бөлігінің «а» тармағында, 251-бабының 1-бөлігінде, 387-бабының 2-бөлігінде, 145-бабының 2-бөлігінде көзделген қылмыстарды жасағаны үшін кінәлі деп танылған болатын. Қазіргі уақытта ол ерекше режімдегі түзеу колониясында өмір бойы бас бостандығынан айыру түріндегі жазасын өтеп жатыр.

Дереккөз: newskaz.kz

2 қыркүйек 2013, 16:00

Қате таптыңыз ба? Тінтуірмен белгілеп, Ctrl + Enter түймесін басыңыз.

Осы мақала тақырыбына қатысты ой-пікіріңізбен бөлісіп, бейнежазба жолдағыңыз келсе, WhatsApp +7 707 37 300 37 нөміріне және editors@azh.kz поштасына жібере аласыз.