Атырау, 25 маусым 13:19
Кешке бұлтты+29, түнде +25
ҚР Ұлттық банкінің валюта бағамы: $ 378.38  € 431.05  P 6.02

Алматыда Қайрат Нұртастың концерті жаппай төбелеспен аяқталды (ФОТО, БЕЙНЕЖАЗБА)

1 қыркүйек 2013 12:00
Алматыда «Прайм Плаза» ойын-сауық орталығы алаңында Қайрат Нұртас тегін концерт ұйымдастырған болатын. Алайда басталып үлгермеген концерттің соңы жаппай тәртіпсіздікпен аяқталды.

Алматыда танымал қазақстандық әнші Қайрат Нұртас жеке концертін өткізбек болған. Оның өнерін сыйлайтын қауым санының шегі болмады. Алаңға жиналған қалың қауым арасынан белгісіз біреулер бүлік шығарып, оның соңы жаппай тәртіпсіздікке ұласты. 

 

Әлеуметтік желілерде, БАҚ беттерінде жарыса жарияланған ақпараттарға сәйкес, бүлікшілердің арасында бәз-біреулер әншіге қарай тас лақтырып, бірнешеуі әншіге тиіп те кеткен екен. Соңынан жүгенсіз кеткен жастар сахнаны қиратып, маңайда тұрған автокөліктерді аудара бастаған. Бейресми мәлімдемеге сәйкес, оқиға орнында зардап шеккендер бар.

Көтерілген жастарды тыныштандыру үшін Алматы қаласы ІІД қызметкерлері келіп жетті. Осыған қатысты пікірін білдірген Алматы қаласы ІІД баспасөз қызметінің басшысы Ермек Болтаев: «Алматыда қазақстандық танымал әнші Қайрат Нұртастың концерті өтіп жатты. Концерт барысында бейтаныс азаматтар шу көтеріп, бүлік шығара бастады. Соның негізінде Алматы қаласының ІІД-і құқық қорғау органдарының қызметкерлері барлық жағдайды бақылауға алды. Бір сағаттан кейін біз ресми мәлімдеме жасаймыз», - деп мәлімдеді.

Құқық қорқаушылар осы оқиғаға қатысты ресми мәлімдемесін сәл кешірек хабарлайтындарын жеткізді.  

Дереккөз: bnews.kz

Нашли ошибку? Выделите её мышью и нажмите Ctrl + Enter.

Есть, чем поделиться по теме этой статьи? Расскажите нам. Присылайте ваши новости и видео на наш WhatsApp +7 707 37 300 37 и на editors@azh.kz

 

2147 рет қаралдыБасты бет Поделиться:

Подпишитесь и узнавайте о новостях первыми


Басты бет

Наш WhatsApp номер для новостей:
1 2 3 4